1150 x 80 px

 

கனடா தொழில் வாய்ப்பு மோசடி செய்தது அதாவுத செனவிரத்னவா?

74 பேரிடம், கனடாவில் வேலைவாய்ப்புப் பெற்றுத் தருவதாகக் கூறி ஐந்து கோடி ரூபாவிற்கும் அதிகமான நிதிமோசடி இடம்பெற்றுள்ளமை தொடர்பில் லங்கா நியூஸ் இணையத்தளத்திற்கு தகவல் கிடைத்துள்ளது.

ட்ரவல் ஹவுஸ் லங்கா தனியார் நிறுவனம், ஹைலெவர் வீதி, மஹரகமவை வசிப்பிடமாகக் கொண்ட ஓ.எம். பிரேமரத்ன மற்றும் இல. 68, கீல்ஸ் ஹோம் வீட்டுத் தொகுதி, பிங்வத்த, பாணந்துரையை வசிப்பிடமாகக் கொண்ட இந்திக்க மெனத் ஜயசூரிய ஆகிய இருவரே இந்த நிதி மோசடியை மேற்கொண்டுள்ளனர்.

வேலைவாய்பு பெற்றுக் கொடுத்து கனடாவிற்கு அனுப்புவதாக இவர்கள் 2008ஆம் ஆண்டு இவர்கள் விளம்பரம் செய்துள்ளனர். இந்த விளம்பரத்தின் பின்னர் வடமேல் மாகாண குருணாகல் வெளிநாட்டு வேலைவாய்ப்புப் பணியகத்தில் இவர்களினால் விசேட கூட்டம் ஒன்றும் நடத்தப்பட்டது. இந்த கூட்டத்திற்கு வடமேல் முதலமைச்சர் அத்துல விஜேசிங்க, தொழில் அமைச்சர் அதாவுத செனவிரத்ன மற்றும் மேலே குறிப்பிடப்பட்ட பிரேமரத்ன மற்றும் இந்திக்க ஜயசூரிய ஆகியோரும் கலந்து கொண்டனர். அதனூடாக இந்த வேலைவாய்ப்பு திட்டத்திற்கு அரசாங்கத்தின் ஊடாக மேற்கொள்ளப்படுவதாக அங்கு வந்தவர்கள் நினைத்திருப்பார்கள்.

அந்த கூட்டத்தின்போது இந்த வேலைவாய்ப்புத் திட்டம் கனடா நிறுவனமான கேயம் என்ற நிறுவனத்தினால் மேற்கொள்ளப்படுவதாகவும் ட்ரவல் ஹவுஸ் லங்கா நிறுவனம் ஊடாகவே செயற்படுத்தப்படுகின்றது எனவும் கூறப்பட்டுள்ளது. அத்துடன் கனடாவிற்கு வேலை வாய்ப்புக்காக செல்வதற்கான பயிற்சிகளும் வழங்கப்படும் முகமாக ஆங்கில பயிற்சி பாடத்திட்டம் ஒன்றிலும் பங்குபற்றுமாறு தெரிவிக்கப்பட்டிருந்தது.

அதன்படி இந்த நிதிமோசடியினால் பாதிக்கப்பட்ட 74 பேரும் மஹரகம இலங்கை வங்கிக் கிளையில் 3857XXX என்ற கணக்கு இலங்கத்திற்கு 8 லட்சம் வீதம் வைப்பு செய்துள்ளனர். எனினும் அதில் எவருக்கும் கனடாவிற்குச் செல்வதற்கு வாய்ப்புக் கிடைக்கவில்லை. அதனால் ஓ.எம். பிரேமரத்ன என்பவரிடம் பாதிக்கப்பட்டவர்கள் விசாரித்த போது அவர் அதற்குப் பதிலளிக்கையில், இந்திக்க ஜயசூரிய என்பவர் எல்லா பணத்தையும் எடுத்துக்கொண்டு கனடாவிற்குச் சென்றுவிட்டதாகத் தெரிவித்துள்ளார். இலங்கை வங்கியில் இருந்த பணத்தை கனடாவிற்கு எடுத்துக் கொள்ளப்பட்டு அந்த பணம் பிரேமரத்ன மற்றும் ஜயசூரிய ஆகியோர் பங்கிட்டுக் கொண்டுள்ளனர். இவ்வாறு நிதி மோசடி செய்யப்பட்ட மொத்த பணத் தொகை ஐந்து கோடியே தொன்நூற்று இரண்டு லட்சம் ரூபாவாகும்.

தற்போது இந்த நிதி மோசடியை மேற்கொண்டு கனடாவிற்கு சென்ற இந்திக்க மெனத் ஜயசூரிய என்பவரை இலங்கைக்கு அழைப்பதற்கான நடவடிக்கைகளை இராஜதந்திர நடவடிக்கைகளை குற்றத்தடுப்புப் பிரிவு திணைக்களத்தினால் மேற்கொள்ளப்பட்டுள்ளமை குறிப்பிடத்தக்கது.

இதுதொடர்பான முறைப்பாடு குற்றத்தடுப்பு விசாரணைப் பிரிவிற்கு 2011-12-09ஆம் திகதி செய்யப்பட்டுள்ளது. அந்த கூட்டத்திற்கு தொழில் அமைச்சர் கலந்து கொண்டமையினாலேயே பாதிக்கப்பட்டவர்கள் இந்த அளவு தொகையொன்றை வங்கியில் வைப்பீடு செய்தமைக்கு முக்கிய காரணமாகும். இந்த முறைப்பாடு தொடர்பில் இவர்களுக்கு இதுவரை நியாயம் கிடைக்காமைக்கான முக்கிய காரணம் மோசடிக்காரர்களுக் கிடைத்த அரசியல் செல்வாக்கும் பாதுகாப்புமே. முன்னாள் தொழில் அமைச்சர் அதாவுத செனவிரத்னவா இந்த நிதியை மோசடி செய்தார் என்று நிதிமோசடிக்கு உள்ளானவர்கள் கேள்வி எழுப்பியுள்ளனர்.

Additional Info

இந்த செய்தி தொடர்பில் ஒரு தரப்பிற்கு பாதிப்பு ஏற்படுமாயின் அதற்கான பதிலை எமக்கு அனுப்பி வைக்கும் உரிமை உங்களுக்கு உள்ளது என்பதை நாம் ஏற்றுக் கொள்கிறோம். அதன்படி உங்கள் கருத்துக்களை அனுப்பி வைக்கவும். [email protected]

Top