1150 x 80 px

 

கறுப்புப் பணம் புழங்கும் நாடுகளில் இலங்கை 11ஆவது இடத்திற்கு

பணச் சலவை கறுப்புப் பணம் புழங்கும் நாடுகளின் பட்டியலில் இலங்கை 11ஆவது இடத்திற்கு வந்துள்ளது.

FATF என்றழைக்கப்படும் அரச நிதி கையாள்கைப் பிரிவு (The inter-governmental Financial Action Task Force) என்ற இந்த பட்டியலை
வெளியிட்டுள்ளது.

இந்த அறிக்கையின்படி இலங்கை கறுப்புப் பணம் புழங்கும் நாடுகளில் இடம்பிடித்துள்ளது. இதுமட்டுமன்றி, கறுப்புப் பணப் புழக்கத்தைக் கட்டுப்படுத்தாத
நாடுகளையும் குறித்த அமைப்பு பட்டியலிட்டுள்ளது.

இந்தப் பட்டியலில், பொஸ்னியா, வடகொரியா, எதியோப்பியா, ஈரான், ஈராக், சிரியா, ரினிடான், டொபேகொ, டுயூனிசியா, யேமன் ஆகிய சிறிய
நாடுகளைப் பட்டியலிட்டுள்ளது.

இதில் தெற்காசியாவில் இந்த அபகீர்த்தியான பட்டியலில் சேர்ந்துள்ள ஒரே நாடு இலங்கையாகும்.

FATF என்றழைக்கப்படும் அமைப்பு கறுப்புப் பணப் புழக்கம் குறித்து தொடர் விசாரணைகளை நடத்திவருவதுடன் இதனைக் கட்டுப்படுத்தாதிருப்பதற்கான
இரண்டு பிரதான காரணங்களைக் கண்டறிந்துள்ளது. அதில் ஒன்று பயங்கரவாதத்திற்கு நிதியளிப்பது இன்னுமொரு பணச் சலவையைக்
கட்டுப்படுத்தாதிருப்பது.

2017ஆம் ஆண்டு ஒக்டோபர் மாதம் இலங்கை, இந்த சர்வதேச அமைப்புடன் ஒரு இணக்கப்பாட்டை ஏற்படுத்தியிருந்தது. அத்துடன் குறித்த அமைப்பின்
உயர் அதிகாரிகளுடன் ராஜதந்திர ரீதியினலா பேச்சுவார்த்தையொன்றையும் நடத்தியிருந்தது. பணச் சலவை மோசடியைத் தடுப்பதற்கும், இதன்போது
ஏற்படும் தொழில்நுட்ப குறைபாடுகளைக் கண்டறிவதற்கும் இணக்கம் காணப்பட்டது.

இதன்போது மத்திய வங்கியில் உள்ள நிதி புலனாய்வுப் பிரிவொன்றை (Financial Intelligence Unit -FIU) ஸ்தாபிக்கவும் இணக்கம் காணப்பட்டது.

அரசியல்வாதிகளே இந்த கறுப்புப் பணப் புழக்கத்திற்குக் காரணம் என்பது அனைவரும் அறிந்ததாகும்.

Additional Info

இந்த செய்தி தொடர்பில் ஒரு தரப்பிற்கு பாதிப்பு ஏற்படுமாயின் அதற்கான பதிலை எமக்கு அனுப்பி வைக்கும் உரிமை உங்களுக்கு உள்ளது என்பதை நாம் ஏற்றுக் கொள்கிறோம். அதன்படி உங்கள் கருத்துக்களை அனுப்பி வைக்கவும். [email protected]

Top