வங்கிகளின் லீசிங் விதிமுறையில் மாற்றம் !

2016ஆம் ஆண்டுக்கான வரவு-செலவுத் திட்டத்தில் பரிந்துரைக்கப்பட்டிருந்த வங்கிகளுக்கு வாகன லீசிங் வசதியை வழங்க முடியாது எனும் பிரேரணையில் மாற்றத்தை ஏற்படுத்த இலங்கை அரசு தீர்மானித்துள்ளதாக சிரேஷ்ட அரசாங்க அதிகாரி ஒருவர் தெரிவித்தார்.


இதன் பிரகாரம் வங்கிகளுக்கு வாகனங்கள் கொள்வனவுக்காக 5 மில்லியன் ரூபாய்க்கு உயர்ந்த தொகையை லீசிங் ஆக வழங்க முடியும் என அறிவிக்கப்பட்டுள்ளது.


நாளை (1) முதல் அமுலுக்கு வரும் வகையில் வங்கிகளுக்கு லீசிங் சேவையை வழங்க முடியாது என 2016 ஆம் ஆண்டுக்கான வரவு-செலவுத் திட்டத்தில் முன்னர் குறிப்பிடப்பட்டிருந்தது. ஆனாலும் இந்த புதிய பிரேரணையின் பிரகாரம் நிதிசார் சேவைகளை வழங்கும் நிறுவனங்களுக்கு 5 மில்லியன் ரூபாய்க்கு குறைந்த தொகையை லீசிங் கொடுப்பனவாகவும், 5 மில்லியன் ரூபாய்க்கு மேற்பட்ட தொகையை வங்கிகளும் வழங்கலாம் என அறிவிக்கப்பட்டுள்ளது.


நன்றி
www.tamilmirror.lk

Additional Info

இந்த செய்தி தொடர்பில் ஒரு தரப்பிற்கு பாதிப்பு ஏற்படுமாயின் அதற்கான பதிலை எமக்கு அனுப்பி வைக்கும் உரிமை உங்களுக்கு உள்ளது என்பதை நாம் ஏற்றுக் கொள்கிறோம். அதன்படி உங்கள் கருத்துக்களை அனுப்பி வைக்கவும். [email protected]

Top