1150 x 80 px

 

மாணவனை அடித்த ஆசிரியருக்கு விளக்கமறியலில்

கொழும்பு, கொட்டாஞ்சேனையிலுள்ள பிரபல தமிழ் பாடசாலையொன்றில் 9 வயதான மாணவன் ஒருவரை அடித்து காயங்களுக்குள்ளாக்கிய ஆசிரியர் ஒருவருக்கு கொழும்பு புதுக்கடை நீதிமன்றம் விளக்கமறியல் உத்தரவு பிறப்பித்துள்ளது.

சம்பவத்துடன் தொடர்புடைய ஆசிரியர், நேற்று முன்தினம் கொட்டாஞ்சேனை பொலிஸாரால் கைது செய்யப்பட்டு நேற்றைய தினம் நீதிமன்றில் முன்னிலைப்படுத்தப்பட்டார்.

குறித்த பாடசாலையில் கல்வி கற்பிக்கும் 25 வயது மதிக்கத்தக்க ஆசிரியர் ஒருவரே இவ்வாறு கைது செய்யப்பட்டுள்ளார்.

தரம் ஐந்தில் கல்வி கற்கும் இந்த மாணவர், குறித்த ஆசிரியரினால் தாக்கப்பட்டதைத் தொடர்ந்து, கொழும்பு வைத்தியசாலையில் அனுமதிக்கப்பட்டு தொடர்ந்தும் சிகிச்சைப்பெற்று வருகின்றார்.

இந்நிலையில், சம்பவத்தைத் தொடர்ந்து கைது செய்யப்பட்ட ஆசிரியர் நேற்றைய தினம் கொழும்பு புதுக்கடை நீதிவான் நீதிமன்றத்தில் முன்னிலைப்படுத்தப்பட்ட நிலையிலேயே அவருக்கு விளக்கமறியல் உத்தரவு பிறப்பிக்கப்பட்டுள்ளது.

மேலும் சம்பவம் தொடர்பான மேலதிக விசாரணைகளை கொட்டாஞ்சேனை பொலிஸார் மேற்கொண்டு வருவதாகத் தெரிவித்துள்ளனர்.

Top