1150 x 80 px
BMW ஐ பார்க் செய்துள்ள இடத்தைப் பாருங்கள்

கொழும்பு தலவாத்துகொட கீள்ஸ் அங்காடி நிலையத்திற்கு அருகில் கிமுலா எல ஏறியில் BMW கார் என்று விழுந்து விபத்திற்குள்ளாகியுள்ளது.

இந்த வாகனம் ஜனாதிபதி மைத்திரிபால சிறிசேனவின் மகன் தகம் சிறிசேனவிற்குச் சொந்தமான காரே இவ்வாறு விபத்திற்குள்ளாகியுள்ளதாக தெரியவருகிறது.

விபத்து நிகழ்ந்த போது குறித்த காரை தகம் செலுத்தினாரா என்பது குறித்து விசாரணைகளை நடத்துமாறு ஜனாதிபதி உத்தரவிட்டுள்ளதாகவும் தெரியவருகிறது.

குறித்த விபத்து குறித்த விசாரணைகளின் போது இதனுடன் சம்பந்தப்பட்ட பல தகவல்கள் வெளியாகியதாக ஜனாதிபதி அலுவலகத் தரப்புத் தகவல்கள் தெரிவித்தன.

விசாரணகளில் கிடைத்த தகவல்கள் குறித்தும் தற்போது விசாரணைகள் முன்னெடுக்கப்படுவதாக ஜனாதிபதி பாதுகாப்புப் பிரிவுத் தகவல்கள் தெரிவிக்கின்றன.

ஜனாதிபதியின் உத்தரவு

இந்த கார் விபத்தில் சிக்கிய போது அதனை யார் செலுத்தியது? அவரை பொலிசார் கைதுசெய்தனரா? இதுகுறித்து நடத்தப்பட்டுள்ள விசாரணைகள் என்ன? தான் ஜப்பானுக்கு உத்தியோகபூர்வ விஜயம் செய்திருந்தபோது, தன்னுடன் தனது மகன் தகம் வந்திருந்த போதிலும், தகம் தான் வாகனத்தை செலுத்தினார் என எவ்வாறு செய்தி வெளியாகியது? உள்ளிட்ட பல கோணங்களில் விசாரணை நடத்தப்பட்டு அறிக்கை சமர்ப்பிக்குமாறு ஜனாதிபதி உத்தரவிட்டுள்ளார்.

இந்த உத்தரவிற்கமைய நடத்தப்பட்ட விசாரணைகளின் ஏராளமான தகவல்கள் ஜனாதிபதிக்கு வழங்கப்பட்டுள்ளதாக தெரியவருகிறது.

car 1

குடிபோதையில் வாகனத்தை செலுத்தியவர் கபீரின் மைத்துனர் ரிகாஸ் உசெய்ன்?

இந்த விசாரணைகளின் மூலம் கிடைத்துள்ள தகவல்களுக்கமைய, குறித்த வாகனத்தை அமைச்சர் கபீர் ஹசீமின் மைத்துனரான ரிகாஸ் உசெய்ன் என்பவரே குறித்த வாகனத்தை செலுத்தியுள்ளதாகவும், இதன்போதே குறித்த விபத்து நிகழ்ந்துள்ளதாகவும் தெரியவந்துள்ளது.

நேற்று (17) அதிகாலை 6.15 அளவில் ஏறியில் விழுந்து விபத்தில் சிக்கிய அதிசொகுசு BMW வாகனம் அண்மையிலேயே மோட்டார் பதிவுத் திணைக்களத்தில் பதிவு செய்யப்பட்டதாகவும் தெரியவந்துள்ளது. இந்த வாகனத்தின் உரிமையாளர் ரிஷாட் ஹமட் என்ற பிரபல வர்த்தகர் என்றும் தெரியவந்துள்ளது.

car 2

பிந்திக் கிடைத்த செய்தியில், 

இதேவேளை, ஆற்றில் விழுந்த காருடன் ஜனாதிபதியை தொடர்புபடுத்தி பொய்ப் பிரசாரம் மேற்கொள்ளப்படுவதாக பொலிஸ் ஊடகப் பேச்சாளர் தெரிவித்துள்ளார்.

தலங்கம பொலிஸ் பிரிவில் தலவத்துகொடை பிரதேசத்தில் நேற்று முன்தினம் ஆற்றில் பீ.எம்.டப்ளியூ. கார் விழுந்த சம்பவம் தொடர்பில் சம்பந்தமாக பொய்யான செய்திகள் பரப்பப்படுவதாக பொலிஸ் ஊடகப் பேச்சாளர் ருவான் குணசேகர கூறியுள்ளார்.

ஆற்றில் விழுந்த காரை கைவிட்டு அதன் சாரதி தப்பிச் சென்றுள்ளதுடன் காரை தலங்கம பொலிஸார் கைப்பற்றி தம்வசம் வைத்துள்ளனர்.

காரின் பதிவு செய்யப்பட்ட உரிமையாளர் இலக்கம் 85 சிகேரா வீதி, மாதிவல என்ற முகவரியை சேர்ந்த பாஹிம் மொஹமட் ஹூசைன் என உறுதிப்படுத்தப்பட்டுள்ளது.

உரிமையாளரே சம்பவம் நடைபெற்ற போது காரை ஓட்டியமை பாதுகாப்பு கமெரா பதிவுகள் மூலம் உறுதிப்படுத்தப்பட்டுள்ளது.

விபத்தை ஏற்படுத்தி விட்டு தப்பிச் சென்ற குற்றச்சாட்டில் அவரை கைது செய்ய தலங்கம பொலிஸார் விசாரணைகளை மேற்கொண்டு வருகின்றனர்.

நிலைமை இப்படி இருக்கையில், சிலர் தமது அரசியல் பகையை தீர்த்துக்கொள்ள ஆற்றில் விழுந்த காருடன் ஜனாதிபதி மைத்திரிபால சிறிசேனவை தொடர்புப்படுத்தி சமூக வலைத்தளங்களில் பொய்ப் பிரசாரத்தை மேற்கொண்டு வருவதாகவும் அதில் எந்த உண்மையும் இல்லை எனவும் பொலிஸ் ஊடகப் பேச்சாளர் ருவான் குணசேகர தெரிவித்துள்ளார்

Additional Info

இந்த செய்தி தொடர்பில் ஒரு தரப்பிற்கு பாதிப்பு ஏற்படுமாயின் அதற்கான பதிலை எமக்கு அனுப்பி வைக்கும் உரிமை உங்களுக்கு உள்ளது என்பதை நாம் ஏற்றுக் கொள்கிறோம். அதன்படி உங்கள் கருத்துக்களை அனுப்பி வைக்கவும். [email protected]

Top