1150 x 80 px
புதிய யாப்பு குறித்து 24ம் திகதி இறுதி முடிவு

புதிய யாப்பு உருவாக்கம் தொடர்பான அரசியல் யாப்பு குழு மே மாதம் 24ம் திகதி கூடவுள்ளதாக தெரிவிக்கப்படுகிறது. பிரதமர் தலைமையிலான 21 பேர் அடங்கிய குறித்த குழு இறுதியாக கடந்த வருடம் நவம்பர் மாதம் கூடியது.

புதிய யாப்பு கொண்டுவருவதா அல்லது உள்ள யாப்பை திருத்துவதா என்பது குறித்து இறுதித் தீர்மானம் எடுக்கப்படவுள்ளது.

புதிய அரசாங்கம் ஆட்சிக்கு வந்தபின் யாப்பு மாற்றம் செய்யப்படும், நிறைவேற்று அதிகார ஜனாதிபதி முறை ஒழிக்கப்படும் என்றெல்லாம் வாக்குறுதி அளித்து செயற்பட்ட போதிலும் மூன்று வருடங்கள் கடந்துள்ள நிலையில் தற்போது அடுத்த ஜனாதிபதி வேட்பாளர் யார் என்பதில் அதிக கவனம் செலுத்தப்பட்டு வருகிறது. இதன்மூலம் நிறைவேற்று அதிகார ஜனாதிபதி முறைமையை ஒழிக்க ஜனாதிபதி, பிரதமர் உள்ளிட்டவர்களுக்கு விருப்பம் இல்லை என்றே கருத முடிகிறது.

யாப்பு திருத்தம் தொடர்பான இடைக்கால அறிக்கை பாராளுமன்றில் சமர்பிக்கப்பட்டு விவாதிக்கப்பட்டுள்ள நிலையில் இதனை முன்னெடுத்துச் செல்ல முடியாமைப்பு பிரதான இரு கட்சிகளின் தலைவர்கள் பொறுப்பு கூற வேண்டும் என யாப்பு தயாரிப்பு குழுவின் முக்கியஸ்தர் கலாநிதி ஜயம்பதி விக்ரமரத்ன தெரிவித்துள்ளார்.

இதேவேளை, நிறைவேற்று அதிகார ஜனாதிபதி முறைமையை இல்லாதொழிக்கும் 20ம் திருத்தச் சட்ட யோசனையை தனிநபர் பிரேரணையாக பாராளுமன்றில் முன்வைக்க மக்கள் விடுதலை முன்னணி தீர்மானித்துள்ளது. இதற்கு ஒரு தரப்பு எதிர்ப்பும் ஒரு தரப்பு ஆதரவும் தெரிவித்துள்ளதாக தெரியவருகிறது.

Share this article

Additional Info

இந்த செய்தி தொடர்பில் ஒரு தரப்பிற்கு பாதிப்பு ஏற்படுமாயின் அதற்கான பதிலை எமக்கு அனுப்பி வைக்கும் உரிமை உங்களுக்கு உள்ளது என்பதை நாம் ஏற்றுக் கொள்கிறோம். அதன்படி உங்கள் கருத்துக்களை அனுப்பி வைக்கவும். [email protected]

Top