நெடுந்தீவு அருகே 13 இந்திய மீனவர்கள் கைது செய்யப்பட்டபோது, இலங்கை கடற்படையினரால் துப்பாக்கிச் சூடு நடத்தப்பட்ட சம்பவம் இன்று அதிகாலையில் பதிவாகியுள்ளது.
மீன்பிடி படகில் இருந்த 13 மீனவர்களில் இருவர் பலத்த காயமடைந்து தற்போது யாழ்ப்பாணம் போதனா மருத்துவமனையில் சிகிச்சை பெற்று வருகின்றனர். மேலும் மூன்று மீனவர்களுக்கு சிறிய காயங்கள் ஏற்பட்டுள்ளன, அவர்களுக்கு சிகிச்சை அளிக்கப்பட்டுள்ளது.
யாழ்ப்பாணத்தில் உள்ள இந்திய தூதரக அதிகாரிகள் காயமடைந்த மீனவர்களை மருத்துவமனையில் சந்தித்து அவர்களின் நலம் விசாரித்து, மீனவர்கள் மற்றும் அவர்களது குடும்பத்தினருக்கு சாத்தியமான அனைத்து உதவிகளையும் வழங்கி வருகின்றனர்.
- புதுதில்லியில் உள்ள இலங்கையின் பொறுப்பு உயர் ஸ்தானிகர் இன்று காலை வெளியுறவு அமைச்சகத்திற்கு அழைக்கப்பட்டார், மேலும் இந்த சம்பவம் தொடர்பாக கடும் எதிர்ப்பு தெரிவிக்கப்பட்டது. கொழும்பில் உள்ள இந்திய உயர் ஸ்தானிகராலயமும் இந்த விஷயத்தை இலங்கை அரசின் வெளியுறவு அமைச்சகத்திடம் எழுப்பியுள்ளது.
- வாழ்வாதாரக் கவலைகளை மனதில் கொண்டு, மீனவர்கள் தொடர்பான பிரச்சினைகளை மனிதாபிமான முறையில் கையாள வேண்டியதன் அவசியத்தை இந்திய அரசு எப்போதும் வலியுறுத்தியுள்ளது. எந்த சூழ்நிலையிலும் பலத்தைப் பயன்படுத்துவது ஏற்றுக்கொள்ளத்தக்கது அல்ல. இது தொடர்பாக இரு அரசாங்கங்களுக்கிடையில் இருக்கும் புரிதல்கள் கண்டிப்பாகக் கடைப்பிடிக்கப்பட வேண்டும் என இந்திய தூதரகம் விடுத்துள்ள அறிக்கையில் தெரிவிக்கப்பட்டுள்ளது.
