கொழும்பு விஜேராம மாவத்தையில் அமைந்துள்ள முன்னாள் ஜனாதிபதி மஹிந்த ராஜபக்ஷவின் உத்தியோகபூர்வ இல்லத்திற்கான நீர் விநியோகம் இன்று (13) துண்டிக்கப்பட்டுள்ளதாக தெரிவிக்கப்படுகிறது.
சுமார் மூன்று லட்சம் ரூபாய் நீர் கட்டணத்தை செலுத்தாததால் நீர் விநியோகம் துண்டிக்கப்பட்டுள்ளதாகக் கூறப்படுகிறது.
அரசாங்கப் பிரமுகர்கள் பல சந்தர்ப்பங்களில் மஹிந்த ராஜபக்ஷவை இந்த வீட்டை அரசாங்கத்திடம் ஒப்படைத்து காலி செய்யுமாறு கேட்டு பொது அறிக்கைகளை வெளியிட்டனர், ஆனால் மஹிந்த ராஜபக்ஷ தரப்பு இந்த உத்தியோகபூர்வ இல்லம் அரசியலமைப்பு ரீதியாக அவருக்கு வழங்கப்பட்டதால், அதை காலி செய்ய எழுத்துப்பூர்வ அறிவிப்பை வழங்க வேண்டும் என்பதே அவரது நிலைப்பாடாக இருந்தது. இருப்பினும், அரசாங்க அதிகாரிகள் அத்தகைய எழுத்துப்பூர்வ அறிவிப்பை வெளியிடுவதில் ஆர்வம் காட்டவில்லை.
