பெறுமதி சேர் வரி (திருத்தம்) சட்டமூலத்தின் மூன்றாவது வாசிப்பு இன்று பாராளுமன்றத்தில் பெரும்பான்மை வாக்குகளால் நிறைவேற்றப்பட்டது.
VAT (திருத்தம்) சட்டமூலத்தின் மூன்றாவது வாசிப்பைத் தொடர்ந்து, சபாநாயகர் மஹிந்த யாப்பா அபேவர்தன, திருத்தங்களுடன் நிறைவேற்றப்பட்டதாக அறிவித்தார்.
எவ்வாறாயினும், எதிர்க்கட்சியின் நாடாளுமன்ற உறுப்பினர்கள் மூன்றாவது வாசிப்பில் வாக்களிப்பு இடம்பெற வேண்டுமென கோரினர், இதன் போது 82 பாராளுமன்ற உறுப்பினர்கள் ஆதரவாக வாக்களித்தனர் மற்றும் 41 பேர் எதிராக வாக்களித்தனர்.
இரண்டாவது வாசிப்பின் போது சட்டமூலத்துக்கு ஆதரவாக 82 வாக்குகளும் எதிராக 52 வாக்குகளும் கிடைத்தன.
பாராளுமன்ற அமர்வு இன்று காலை 9.30 மணிக்கு ஆரம்பமானதுடன், வட் (திருத்தம்) சட்டமூலம் மற்றும் உள்நாட்டு இறைவரி (திருத்தம்) சட்டமூலம் மீதான இரண்டாம் வாசிப்பு இன்று விவாதத்திற்கு எடுத்துக்கொள்ளப்பட்டது.
N.S
