பிரதி பொலிஸ்மா அதிபர்கள் மூவருக்கு நேற்று(24) முதல் அமுலுக்கு வரும் வகையில் உடனடி இடமாற்றம் வழங்கப்பட்டுள்ளது.
தேசிய பொலிஸ் ஆணைக்குழுவின் அனுமதியுடன் இந்த இடமாற்றம் வழங்கப்பட்டுள்ளது.
பிரதி பொலிஸ்மா அதிபர் கே.கட்டுபிட்டிய, போக்குவரத்து மற்றும் சமிக்ஞை பிரிவிற்கு பொறுப்பான பிரதி பொலிஸ்மா அதிபர் பதவியிலிருந்து மேல் மாகாணத்தின் வடக்கு பிராந்தியத்திற்கு பொறுப்பான பிரதி பொலிஸ்மா அதிபராக இடமாற்றப்பட்டுள்ளார்.
யாழ்.பிராந்தியத்திற்கு பொறுப்பாகவிருந்த பிரதி பொலிஸ்மா அதிபர் எம்.ஆர்.எம்.செனரத், போக்குவரத்து மற்றும் சமிக்ஞை பிரிவிற்கு இடமாற்றப்பட்டுள்ளார்.
குற்றப்பிரிவிற்கு பொறுப்பாகவிருந்த பிரதி பொலிஸ்மா அதிபர் ஜே.ஏ.கே.ஜயசிங்க, யாழ்.பிராந்தியத்திற்கு பொறுப்பான பிரதி பொலிஸ்மா அதிபராக இடமாற்றம் செய்யப்பட்டுள்ளார்.