இலங்கையின் 75வது சுதந்திர தினத்தை முன்னிட்டு இன்று (பிப்ரவரி 19) கண்டியில் நடைபெறவுள்ள ஜனராஜ பெரஹெராவை முன்னிட்டு விசேட போக்குவரத்து ஏற்பாடுகள் மேற்கொள்ளப்படவுள்ளன.
இந்த போக்குவரத்து திட்டத்தின்படி, மாலை 5.00 மணி முதல் அமல்படுத்தப்படும். நாளை ஊர்வலம் முடியும் வரை தலதா மாளிகை தெரு, யட்டிநுவர தெரு, ராஜா தெரு, கந்த தெரு ஆகிய இடங்களில் போக்குவரத்து மாற்றம் செய்யப்படும்.
இதனடிப்படையில் வாகன சாரதிகள் இந்த காலப்பகுதியில் மாற்று வழிகளை பயன்படுத்தி அசௌகரியங்களை தவிர்க்குமாறு கேட்டுக்கொள்ளப்படுகிறார்கள்.
கண்டி நகரிலுள்ள வரலாற்றுச் சிறப்புமிக்க தலதா மாளிகையில் 34 வருட இடைவெளிக்குப் பின்னர் ‘ஜனராஜ பெரஹரா’ நடைபெறவுள்ளது.
75ஆவது சுதந்திர தினத்தை முன்னிட்டு ஏற்பாடு செய்யப்பட்டுள்ள இந்த ஊர்வலம் ஜனாதிபதி ரணில் விக்கிரமசிங்க தலைமையில் ஆரம்பிக்கப்படவுள்ளது.
மாலை 6.30 மணிக்கு மகுல் மடுவ வளாகத்தில் இருந்து ஊர்வலம் ஆரம்பமாகவுள்ளது. தலதா வீதி, யட்டிநுவர வீதி, கந்த வீதி, ராஜா வீதி ஆகிய வீதிகளில் ஊர்வலமாகச் சென்று தலதா மாளிகைக்கு செல்வதுடன், நிகழ்வு நிறைவடையும்.
சுற்றுலாத்துறையை மேம்படுத்தும் நோக்கில் ‘ஜனராஜ பெரஹெர’ இடம்பெறுவதாக அரசாங்கம் தெரிவித்துள்ளது.
N.S
