சிவனொளிபாதமலை யாத்திரை செய்துவிட்டு திரும்பிய பஸ் விபத்து ; இருவர் பலி ; 26 பேருக்கு காயம்!

Date:

சிவனொளிபாதமலை யாத்திரை செய்துவிட்டு பயணிகள் திரும்பிய பேருந்து விபத்துக்கு உள்ளானதில் அதில் பயணம் செய்த இருவர் பலியாகியுள்ளதுடன் 28 பேர் கடும் காயமடைந்து வைத்தியசாலையில் அனுமதிக்கப்பட்டதாக பொலிஸார் தெரிவித்தனர்.

இந்த விபத்து நேற்று (19) இரவு சுமார் 9 மணியளவில் நோர்ட்டன் பொலிஸ் பிரிவுக்கு உட்பட்ட நோர்ட்டன் தியகல பிரதான வீதியில் சுமார் 100 அடி பள்ளத்தில் பாய்ந்து விபத்து இடம்பெற்றுள்ளது.

குறித்த தனியார் பேருந்து ரத்மலானா பகுதியிலிருந்து சிவனொளிபாதமலை தரிசித்து விட்டு திரும்பி சென்றுகொண்டிருந்த போது பாதாளத்தில் பாய்ந்து விபத்து இடம்பெற்றுள்ளதாகவும் விபத்து ஏற்படும் போது பஸ்ஸில் 28 பேர் இருந்துள்ளதாகவும் அதில் இரண்டு பெண்கள் பலியானதாகவும் 26 பேர் கடும் காயங்களுக்கு உள்ளாகி கினிகத்தேனை வட்டவளை நாவலபிட்டி,கண்டி ஆகிய வைத்தியசாலைகளில் அனுமதிக்கப்பட்டுள்ளதாகவும் பொலிஸார் மேற்கொண்ட ஆரம்பகட்ட விசாரணையில் தெரிய வந்துள்ளது.

இந்த விபத்தில் காயமடைந்தவர்களை பொலிஸார் இராணும் மற்றும் பிரதேசவாசிகள் இணைந்து மீட்டு வைத்தியசாலையில் அனுமதிக்கப்பட்டுள்ளனர்.

குறித்த வீதி வளைவுகள் நிறைந்த குறுகிய வீதி என்பதனால் சாரதிகள் மிகவும் எச்சரிக்கையாக தங்களது வாகனங்களை செலுத்த தவறுகின்றமையினாலேயே விபத்து ஏற்பட காரணமாக அமைவதாக பொலிஸார் தெரிவிக்கின்றனர்.

சம்பவம் தொடர்பான மேலதிக விசாரணைகளை நோர்ட்டன் பிரிஜ் பொலிஸார் மேற்கொண்டு வருகின்றனர்.

N.S

Share post:

spot_imgspot_img

Popular

More like this
Related

பலாங்கொடையில் காட்டுத் தீ

பலாங்கொடை நொன்பெரியலில் உள்ள நெக்ராக் வத்த அருகே உள்ள கோம்மொல்லி பாலத்துடு...

நேபாள் அரசுக்கு நேர்ந்த கதி NPP அரசுக்கும்

கொழும்பு பல்கலைக்கழகத்தின் பேராசிரியர் நிர்மல் ரஞ்சித் தேவசிறி கூறுகையில், தற்போதைய தேசிய...

பஸ்களை அலங்கரிக்கத் தடை

பஸ்களை அலங்கரிப்பதற்கும், மேலதிக பாகங்களை பொருத்துவதற்கும் சட்ட அனுமதிகளை வழங்கி வெளியிடப்பட்ட...

பாடசாலை விடுமுறை குறித்து கல்வி அமைச்சு விடுத்துள்ள அறிவிப்பு

2026 ஆம் ஆண்டில் பின்பற்றப்பட வேண்டிய பாடசாலைகளுக்கான தவணை அட்டவணையை கல்வி,...