COLOMBO (LNW – Vijay): இலங்கையின் முன்னணி எரிவாயு விநியோகஸ்தரான LITRO Gas Lanka, LP எரிவாயுவின் மீது குறிப்பிடத்தக்க விலைக் குறைப்பை அறிமுகப்படுத்தியுள்ளது. இது நாடு முழுவதும் உள்ள நுகர்வோருக்கு நிம்மதியைக் கொடுத்துள்ளது.
ஜூன் 2023ல், 12.5 கிலோ எடையுள்ள உள்நாட்டு எரிவாயு சிலிண்டரின் விலை ரூ. 3,186 ஆகக்ஷக் இருந்த நிலையில் புதிய விலை மாற்றத்தின்படி 2,982 ரூபாவாகும். ஜூலை 04ம் திகதி முதல் அமலுக்கு வருகிறது.
கடந்த ஆண்டு LP எரிவாயு விலையில் ஏற்பட்ட தொடர் ஏற்ற இறக்கங்களுக்குப் பிறகு இந்த விலை திருத்தம் செய்யப்படுகிறது. ஜூலை 2022 இல் எரிவாயு விலை 4,910 ரூபாவாக இருந்தது. அதைத் தொடர்ந்து அடுத்த மாதங்களில் நிலையான சரிவு ஏற்பட்டது.
LITRO ஆனது உலகளாவிய சந்தை ஏற்ற இறக்கங்களுக்கு ஏற்ப அதன் விலைகளை மாற்றியமைத்து, பொதுமக்களின் தேவைகளுக்கு முன்னுரிமை அளித்து, LP கேஸ் சிறந்த விலையில் கிடைப்பதை உறுதி செய்கிறது. எல்பி எரிவாயு விலையில் தற்போதைய சரிவுக்கு பல்வேறு காரணிகள் பங்களித்துள்ளன.
முதலாவதாக, உலகளாவிய ரீதியில் எரிவாயு விலைகள் வீழ்ச்சியடைந்து வருகின்றன. LITRO வாடிக்கையாளர்களுக்கு அதன் நன்மைகளை வழங்க முடிந்தது. அத்தோடு, டொலருக்கு நிகரான இலங்கை ரூபாவின் பெறுமதி அண்மைக்காலமாக அதிகரித்துள்ளமையும், அண்மைக்கால நெருக்கடியில் இருந்து நாடு படிப்படியாக மீள்வதும் இந்தச் சாதகமான நிலைமைக்குக் காரணமாகும்.
இந்த விலைக் குறைப்பினால் வாடிக்கையாளர்கள் குறிப்பிடத்தக்க பலனை எதிர்பார்க்கலாம். எதிர்காலத்தில் நுகர்வோருக்கான எரிவாயு விலைகளை மேலும் குறைப்பதற்கு LITRO தனது அர்ப்பணிப்பை வெளிப்படுத்தியுள்ளது.
இந்த விலை திருத்தமானது குடும்பங்கள் மட்டுமின்றி ஹோட்டல்கள், உணவகங்கள் மற்றும் பல்வேறு தொழில்கள் உள்ளிட்ட வணிக வாடிக்கையாளர்களையும் சாதகமாக அமையும். LP எரிவாயுவின் தொடர்ச்சியான விநியோகத்தை உறுதி செய்வதன் மூலம் தொழில்களை மீளக் கட்டியெழுப்புவதற்கும் நாட்டின் பொருளாதார மீட்சிக்கும் பங்களிக்க முடியும் என்றும் LITRO தெரிவித்துள்ளது.
நவீன சேமிப்பு வசதிகள் மற்றும் விரிவான விநியோக வலையமைப்புடன், சுமார் 4 மில்லியன் இலங்கையர்களுக்கு LP எரிவாயு தடையின்றி வழங்குவதை லிட்ரோ நிறுவனம் உறுதி செய்கிறது.