01.முன்னேற்றம் அடைந்து வரும் இந்திய மற்றும் ஆபிரிக்க சந்தைகளுக்கு இலங்கையின் அணுகல் எந்தவொரு ‘பாரிய அதிகாரப் போட்டி’ அல்லது மோதலையும் ஏற்படுத்தி சீர்குலைக்கக்கூடாது என்று ஜனாதிபதி ரணில் விக்கிரமசிங்க தெரிவித்துள்ளார். இந்தோ-பசிபிக் பிராந்தியத்திற்கான ஆசியன் நோக்கத்தை இலங்கை ஆதரிப்பதாகவும், இலங்கையின் எதிர்காலத்திற்கு இன்றியமையாததாக இருப்பதால், இந்தியப் பெருங்கடலில் சுதந்திரம் மற்றும் கடலுக்கு அடியில் உள்ள கேபிள்களின் பாதுகாப்பை உறுதி செய்வதில் இலங்கை பங்களிப்பு செய்யும் என ஜனாதிபதி உறுதி அளித்துள்ளார்.
02. ஆசிய அபிவிருத்தி வங்கி மற்றும் உலக வங்கி ஆகியவற்றில் இருந்து மேலும் 7 பில்லியன் அமெரிக்க டொலர்களை இலங்கை கடனாகப் பெற உள்ளது என நிதி இராஜாங்க அமைச்சர் ரஞ்சித் சியம்பலாபிட்டிய தெரிவித்துள்ளார். கடந்த ஆண்டு ஏப்ரலில் ‘கடனைத் திருப்பிச் செலுத்த முடியாது ‘ ஏற்றிவந்த விடுக்கப்பட்ட அறிவிப்பினால் இழந்த சர்வதேச நம்பிக்கையானது சர்வதேச நாணய நிதியத்தின் உதவிக்கு பிறகு மீட்டெடுக்கப்பட்டதாக இராஜாங்க அமைச்சர் கூறுகிறார்.
03. பல அரச நிறுவனங்கள் இன்னும் தங்களது இறுதி செய்யப்பட்ட நிதி அறிக்கைகளை உரிய நேரத்தில் ஒப்படைக்காத காரணத்தால் சர்வதேச நாணய நிதியம் விதித்துள்ள நிபந்தனைகளை பூர்த்தி செய்ய முடியாதுள்ளதென கணக்காளர் நாயகம் டபிள்யூ.பீ.சி விக்ரமரட்ன எச்சரிக்கை விடுத்துள்ளார் . இது சர்வதேச நாணய நிதியத்தின் மிகுதி கடன் தொகை கிடைப்பதில் தடையாக இருக்கக்கூடும் என அவர் சுட்டிக்காட்டியுள்ளார். சில பொது நிறுவனங்கள் ‘சரியான நடைமுறைக்கு’ அப்பால் ஒரே நேரத்தில் ஐந்து வருட கணக்கு அறிக்கைகளை சமர்ப்பிக்க முனைவதாகவும் அத்தகைய அறிக்கைகளை சர்வதேச நாணய நிதியம் ஏற்றுக்கொள்ளாது எனவும் கூறினார்.
04. இலங்கையில் குழந்தைகளின் போசாக்கின்மை பிரச்சினை மோசமடைகிறதா என்பதை ஆராய்வதற்கும், குறுகிய கால, நடுத்தர கால மற்றும் நீண்ட கால தீர்வுகளை அமுல்படுத்துவதற்கும், செயற்படுத்தும் போது எடுக்க வேண்டிய நடவடிக்கைகளை துரிதமாக நடைமுறைப்படுத்துவதை மேற்பார்வை செய்வதற்கும் இலங்கையில் குழந்தைகளின் போசாக்கின்மை அளவை ஆராய்வதற்காக நியமிக்கப்பட்ட நாடாளுமன்றத் தெரிவுக்குழு எதிர்பார்த்துள்ளது.
05. சர்வதேச மன்னிப்பு சபையின் உலகலாவிய வருடாந்த அறிக்கையை வெளியிடுவதற்காக சர்வதேச மன்னிப்பு சபையின் மனித உரிமைகள் கண்காணிப்பு சிரேஷ்ட பணிப்பாளர் டிப்ரோஸ் முச்செனா இலங்கை வந்துள்ளார். ஏற்பாடு செய்யப்பட்டுள்ள நிகழ்வில் முக்கிய பேச்சாளராக உரையாற்ற உள்ளதுடன் இலங்கையில் மனித உரிமைகளைப் பாதுகாத்து மேம்படுத்துவதற்கான அவசரத் தேவையை முன்னிலைப்படுத்தவும் வலியுறுத்துவார் என எதிர்பார்க்கப்படுகிறது.
06. உள்ளூராட்சி சபைத் தேர்தலில் போட்டியிட வேட்புமனுக்களை தாக்கல் செய்த அரச ஊழியர்களின் சம்பளம் தொடர்பில் அமைச்சரவைப் பத்திரம் சமர்ப்பிக்கப்பட்டது. வேட்புமனுக்களை தாக்கல் செய்ததால் சம்பளம் பறிக்கப்பட்ட சுமார் 3,000 அரச ஊழியர்கள் தேர்தலை நடத்துவதில் காணப்படும் இடைவிடாத தாமதத்தால் அவதிப்படுகின்றனர். எனினும் சமர்ப்பிக்கப்பட்ட அமைச்சரவை பத்திரம் பிரச்சினையை தீர்க்கும் என இராஜாங்க அமைச்சர் ஜானக வக்கும்புர நம்பிக்கை வெளியிட்டுள்ளார்.
07. போதைப்பொருள் கடத்தல்காரர் மற்றும் பாதாள உலகக் குழு தலைவர் ஹரக் கட்டாவிற்கு உதவி புரிந்ததாக கூறப்படும் ‘ஆர்மி சனத்’ விசேட அதிரடிப் படையினரால் கைது செய்யப்பட்டார். தொடர் குற்றங்களுக்காகத் தேடப்படும் சந்தேகநபர் 15 கிராம் ஹெரோயின் வைத்திருந்ததற்காக கைது செய்யப்பட்டார். ஹரக் கட்டாவின் உத்தரவில் துப்பாக்கிச் சூடு நடத்த ஆயுதங்கள் வழங்குதல் குற்றங்கள் நடந்த பிறகு அவற்றை மறைத்தல் பின்னர் பல்வேறு நபர்களிடம் ஒப்படைத்தல் போன்ற உதவிகளை ஆர்மி சனத் புரிந்து வந்துள்ளார்.
08. ஐஓசி தலைவர் ஸ்ரீகாந்த் மாதவ் வைத்யா, ஜனாதிபதி ரணில் விக்கிரமசிங்கவை வார இறுதியில் சந்தித்தார். இலங்கைக்கு ஐஓசி தயாரித்த 500 உள்ளக சூரிய சமையல் அமைப்புகளையும், இந்தியாவின் ‘அன்போட்டில்’ இன்டிட்டிடிவ் முறையின் கீழ் PET போத்தல்களை மறுசுழற்சி செய்வதன் மூலம் பெறப்பட்ட நிலையான நூல்களால் செய்யப்பட்ட தனித்துவமான ஆடையையும் மாதவ் ஜனாதிபதியிடம் வழங்கினார்.
09. மதுபானம் மற்றும் சிகரெட்டுகளுக்கு அதிக வரி விதிக்கப்பட்டதன் காரணமாக, அவற்றின் விற்பனை 30 – 40 வீதத்தால் குறைந்துள்ளதாக நிதி இராஜாங்க அமைச்சர் ரஞ்சித் சியம்பலாபிட்டிய தெரிவித்துள்ளார். குறைந்த வருமானம் பெறுபவர்கள் மது மற்றும் சிகரெட் வாங்க முடியாத நிலைக்கு தள்ளப்பட்டதாக அவர் கூறினார்.
10. திங்களன்று இலங்கை ரூபாய் அமெரிக்க டொலருக்கு எதிராக மற்றொரு சிறிய தேய்மானத்தை கண்டது. கொள்முதல் விலை ரூ. 314.82. விற்பனை விலை ரூ. 332.58. அமெரிக்க டொலர் கறுப்புச் சந்தையில் அதிக விலைக்கு விற்கப்படுவதாகக் கூறப்படுகிறது.
