ஸ்ரீ லங்கா பொதுஜன பெரமுனவின் கட்டுப்பாட்டில் உள்ள எல்பிட்டிய உள்ளூராட்சி சபையின் வரவு செலவுத் திட்டம் இன்று (05) 09 மேலதிக வாக்குகளால் தோற்கடிக்கப்பட்டுள்ளது.
எல்பிட்டிய உள்ளுராட்சி சபையின் தலைவர் கருணாசேன பொன்னம்பெரும வரவு செலவுத் திட்டத்தை சபையில் சமர்ப்பித்திருந்த நிலையில் பொஹொட்டுவவைச் சேர்ந்த 10 உறுப்பினர்கள் மாத்திரமே அதற்கு ஆதரவாக வாக்களித்திருந்தனர்.
பொஹொட்டுவவைச் சேர்ந்த 7 உறுப்பினர்கள், சமகி ஜன பலவேகவின் 7 உறுப்பினர்கள், ஸ்ரீலங்கா சுதந்திரக் கட்சியின் 3 உறுப்பினர்கள் மற்றும் தேசிய மக்கள் சக்தியின் 2 உறுப்பினர்கள் உட்பட 19 பேர் எதிராக வாக்களித்தனர்.
