புவியியல் மற்றும் சுரங்கப் பணியகத்தின் தலைவர் கலாநிதி சஞ்சய் பெரேரா அந்தப் பதவியிலிருந்து இராஜினாமா செய்துள்ளார்.
இதன்படி நேற்று (29) ஜனாதிபதி அலுவலகத்தில் தனது இராஜினாமா கடிதத்தை சமர்ப்பித்ததாக குறிப்பிடப்பட்டுள்ளது.
முன்னாள் சுற்றாடல் அமைச்சர் கெஹலிய ரம்புக்வெல்லவினால் அவர் அந்தப் பதவிக்கு நியமிக்கப்பட்டார்.
புவியியல் மற்றும் சுரங்கப் பணியகத்திற்கு புதிய தலைவர் நியமிக்கப்பட உள்ளதாகத் தெரிவிக்கப்பட்டதையடுத்து, தான் அந்தப் பதவியில் இருந்து இராஜினாமா செய்துள்ளதாக சஞ்சய் பெரேரா தெரிவித்துள்ளார்.
