அரசுக்கு நிதி இழப்பு ஏற்படுத்தியதாகக் கூறப்படும் சம்பவம் தொடர்பாக, முன்னாள் அமைச்சர் ஜோன்ஸ்டன் பெர்னாண்டோ மற்றும் அவரது மகன் ஜோஹான் பெர்னாண்டோ ஆகியோர் நிதிக் குற்ற விசாரணைப் பிரிவு (FCID) அதிகாரிகளால் கைது செய்யப்பட்டுள்ளனர்.
சதொச (SATHOSA) நிறுவனத்திற்குச் சொந்தமான லாரி வாகனத்தை தவறாக பயன்படுத்தி அரசுக்கு நிதி இழப்பு ஏற்படுத்தியதாக குற்றச்சாட்டு முன்வைக்கப்பட்ட நிலையில், முன்னாள் அமைச்சர் ஜோன்ஸ்டன் பெர்னாண்டோவை கைது செய்ய விசாரணைகள் ஆரம்பிக்கப்பட்டிருந்தன. இதற்காக ஐந்து விசாரணைக் குழுக்கள் நியமிக்கப்பட்டிருந்தாலும், இதுவரை அவரை கைது செய்ய முடியாமல் இருந்தது.
இந்நிலையில், இன்று அவரை நிதிக் குற்ற விசாரணைப் பிரிவில் முன்னிலையாக அழைத்திருந்தனர். அதன்படி, அவர் அங்கு ஆஜரானதைத் தொடர்ந்து கைது செய்யப்பட்டுள்ளார்.
மேலும், முன்னாள் அமைச்சர் ஜோன்ஸ்டன் பெர்னாண்டோவின் மகன் ஜோஹான் பெர்னாண்டோவும் நிதிக் குற்ற விசாரணைப் பிரிவினரால் கைது செய்யப்பட்டு, வரும் 9ஆம் திகதி வரை விளக்கமறியலில் வைக்கப்பட்டுள்ளார்.
இதனுடன், சமூபகார மொத்த வாணிபக் கழகத்தின் (Co-operative Wholesale Establishment) முன்னாள் போக்குவரத்து மேலாளரான இந்திக ரத்னமல்ல என்பவரும் இதே வழக்குடன் தொடர்புடையவராக கைது செய்யப்பட்டு, ஜனவரி 9ஆம் திகதி வரை விளக்கமறியலில் வைக்கப்பட்டுள்ளார்.