திரிபோஷ உற்பத்திக்காக இறக்குமதி செய்யப்படும் சோளத்திற்கு வரிச் சலுகை வழங்க அரசாங்கம் தீர்மானித்துள்ளதாகவும், சிலோன் திரிபோஷ நிறுவனத்திற்கு இந்த வரிச்சலுகை வழங்கப்பட்டுள்ளதாகவும் நிதியமைச்சு தெரிவித்துள்ளது.
இதன்படி, சோளம் இறக்குமதிக்காக ஒரு கிலோகிராம் ஒன்றுக்கு அறவிடப்படும் விஷேட பொருட்கள் வரி 75 ரூபாவிலிருந்து 25 ரூபாவாக குறைக்க நடவடிக்கை எடுக்கப்பட்டுள்ளதுடன், மே 18ஆம் திகதி முதல் அமுலுக்கு வரும் வகையில் உரிய வரி திருத்தம் செய்யப்பட்டுள்ளதாக தெரிவிக்கப்பட்டுள்ளது.
மேலும், பேரீச்சம்பழம் இறக்குமதிக்கு வழங்கப்பட்டு வந்த வரிச் சலுகையை மே 18ஆம் திகதி முதல் அமுலுக்கு வரும் வகையில் நீக்குவதற்கு நிதியமைச்சு நடவடிக்கை எடுத்துள்ளதாக குறிப்பிடப்படுகின்றது.