எதிர்வரும் வெள்ளிக்கிழமை கூடவுள்ள பாராளுமன்ற அலுவல்கள் குழுவில் சுகாதார அமைச்சருக்கு எதிராக எதிர்க்கட்சிகள் கொண்டு வரும் நம்பிக்கையில்லா பிரேரணை மீதான விவாதம் குறித்து தீர்மானம் எடுக்கப்பட உள்ளதாக தெரிவிக்கப்படுகிறது.
சுகாதார அமைச்சருக்கு எதிராக கொண்டு வரப்பட்டுள்ள நம்பிக்கையில்லா பிரேரணையை உடனடியாக சமர்ப்பிக்க வேண்டும் என ஜனாதிபதி ரணில் விக்ரமசிங்க நேற்று (09) பாராளுமன்றத்தில் அறிவித்தார்.
இன்று பெருந்தோட்ட சமூகம் எதிர்நோக்கும் சமூக பொருளாதார பிரச்சினைகள் தொடர்பிலான ஒத்திவைப்பு வேளை விவாதம் நடைபெறவுள்ளதுடன், சபாநாயகர் மஹிந்த யாப்பா அபேவர்தன தலைமையில் இன்று காலை 9.30 மணிக்கு பாராளுமன்றம் கூடி இந்த ஒத்திவைப்பு வேளை விவாதம் இடம்பெறவுள்ளதாக தெரிவிக்கப்படுகின்றது.
காலை 10.30 மணி முதல் மாலை 5.30 மணி வரை நடைபெற்றது. தோட்ட மக்கள் எதிர்நோக்கும் பிரச்சினைகள் தொடர்பில் அரசாங்கத்தின் கவனத்தை ஈர்ப்பதே இந்த விவாதத்தின் நோக்கம் எனத் தெரிவிக்கப்படுகிறது.