நாட்டின் நிலம் மற்றும் சமுத்திரத்தின் பாதுகாப்புக்கான மூலோபாய திட்டத்தை தயாரிப்பதற்காக ஜனாதிபதியினால் நியமிக்கப்பட்ட குழுவின் முதல் அறிக்கையை ஆறு மாதங்களுக்குள் வழங்க வேண்டும் என ஜனாதிபதி செயலணியின் தலைவர் சாகல ரத்நாயக்க தெரிவித்துள்ளார்.
ஜனாதிபதி செயலகத்தில் நடைபெற்ற பாதுகாப்பு மீளாய்வுக் குழுக் கூட்டத்தில் அவர் இதனைத் தெரிவித்ததாகக் கூறப்படுகிறது.
நாட்டின் எதிர்கால பாதுகாப்பை உறுதி செய்வதற்கு எடுக்கப்பட வேண்டிய நடவடிக்கைகளை பரிந்துரைக்கும் பொறுப்பை வழங்கி, அமைச்சரவையின் ஒப்புதலுக்கு உட்பட்டு ஜனாதிபதியினால் மேற்படி குழு நியமிக்கப்பட்டது.
ஓய்வுபெற்ற மேஜர் ஜெனரல் சன்ன குணதிலக்கவின் தலைமையில் இந்தக் குழு நியமிக்கப்பட்டுள்ளதுடன், முப்படைகளின் ஓய்வுபெற்ற தளபதிகள், வெளிவிவகார அமைச்சு மற்றும் நிதி மற்றும் பொருளாதார மறுசீரமைப்பு அமைச்சின் ஆலோசகர்கள் உட்பட ஆறு உறுப்பினர்களைக் கொண்ட குழுவாகும்.
நாட்டின் பாதுகாப்பு மற்றும் சமுத்திரத்தின் பாதுகாப்பு மற்றும் புலனாய்வு அமைப்புகளின் அபிவிருத்தி தொடர்பில் மேற்கொள்ளப்பட வேண்டிய நடவடிக்கைகள் தொடர்பில் 2030 ஆம் ஆண்டை இலக்காகக் கொண்ட மூலோபாயத் திட்டத்தை தயாரிப்பதற்கும் ஜனாதிபதி இந்தக் குழுவிற்கு நியமிக்கப்பட்டுள்ளார்.