NORTHERN UNI இன் பிரமாண்ட இசை நிகழ்ச்சியை முன்னிட்டு தென்னிந்திய நடிகை ரம்பா மற்றும் தென்னிந்திய நடன இயக்குனர் கலா மாஸ்டர் இன்று செவ்வாய்க்கிழமை (6) யாழ்ப்பாணம் சர்வதேச விமான நிலையம் ஊடாக இன்று யாழ்ப்பாணத்திற்கு வருகை தந்துள்ளனர்.
பிரபல தென்னிந்திய பின்னனி பாடகர் ஹரிஹரனின் பிரமாண்ட இந்த இசை நிகழ்ச்சியானது எதிர்வரும் (9)ஆம் திகதி யாழ்ப்பாணம் முற்றவெளியில் நடைபெறவுள்ளது. நடைபெறவிருக்கும் ஹரிகரனின் இசை நிகழ்ச்சியில் பங்கேற்பதற்காகவே இவர்கள் வருகை தந்துள்ளனர்.
NORTHERN UNI இன் ஏற்பாட்டில் பிரபல தென்னிந்திய பாடகர் ஹரிஹரனின் பிரமாண்ட இசை நிகழ்ச்சி கடந்த டிசம்பர் மாதம் 21 ஆம் திகதி யாழ்ப்பாணம் முற்றவெளி அரங்கில் இடம்பெறவிருந்த நிலையில் சீரற்ற காலநிலையால் பிற்போடப்பட்டிருந்தது.
சீரற்ற காலநிலை காரணமாக குறித்த இசை நிகழ்ச்சியானது பெப்ரவரி மாதத்திற்கு பிற்போடப்பட்ட நிலையில் வரும் 9 ஆம் திகதில் இசைநிகழ்ச்சி இடம்பெறவுள்ளது.
இந்நிலையில் குறித்த இசை நிகழ்ச்சிக்கு , நடன இயக்குனர் சாண்டி, யோகிபாபு, நடிகை தமன்னா, ஐஸ்வர்யா ராஜேஸ் ஆகியோரும் வருகை தரவுள்ளதாக தெரிவிக்கப்படுகின்றது.
