மத்தல விமான நிலத்துக்கு விமானச் சேவைகளை ஆரம்பிக்குமாறு இலங்கை இந்திய விமான சேவைகளைக் கோரியுள்ளதாக துறைமுகம், கப்பல் போக்குவரத்து மற்றும் விமானப் போக்குவரத்து அமைச்சு தெரிவித்துள்ளது.
இலங்கை வரலாற்றில் மிக மோசமான நாணய நெருக்கடிக்கு உள்ளாகி வருவதால், 2022 குளிர்காலத்தில் இலங்கை சுற்றுலாவை மேம்படுத்துவதில் இரண்டாவது அதிக பங்களிப்பாளரான இந்திய சுற்றுலாப் பயணிகளின் வருகையை எளிதாக்குவதே இதன் நோக்கமாகும்.
நவம்பர் 1-24 வரை, 45,560 சுற்றுலாப் பயணிகளை இலங்கை வரவேற்றுள்ளது. அதில் 11,041 ரஷ்ய சுற்றுலா பயணிகளும் 8,075 இந்தியர்கள் மற்றும் 3,569 பிரித்தானியர்கள் உள்ளனர்.
அமைச்சர் நிமல் சிறிபால டி சில்வா, இந்து சமுத்திரப் பிராந்திய இணைச் செயலாளர் புனித் அகர்வாலை அண்மையில் சந்தித்த போதே இந்தக் கோரிக்கையை முன்வைத்தார்.
“இந்த கலந்துரையாடலில், இந்தியப் பெருங்கடல் பிராந்தியத்தில் கடல்சார் துறையில் ஒத்துழைப்பை மேலும் மேம்படுத்த எடுக்கப்பட வேண்டிய நடவடிக்கைகள் குறித்து விவாதிக்கப்பட்டது.
பயணிகள் படகு சேவையை ஆரம்பிப்பதற்கான ஆரம்பக்கட்ட பணிகள் தொடர்பில் இந்தியாவும் இலங்கையும் ஏற்கனவே இணக்கப்பாட்டுக்கு வந்துள்ளதாக அமைச்சர் சுட்டிக்காட்டினார்.
அதன்படி, பயணிகள் சேவைகளை மிக விரைவில் தொடங்கவும், அதற்கு இந்திய அரசு ஆதரவு வழங்குவதாகவும் அமைச்சர் சுட்டிக்காட்டியுள்ளார்.
இந்தப் பயணிகள் படகுச் சேவைகளை விரிவுபடுத்துவதன் மூலம் இரு நாடுகளிலும் உள்ள ஒரே வகுப்பைச் சேர்ந்தவர்கள் இரு நாடுகளுக்கும் இடையே மலிவு விலையில் பயணிக்க முடியும் என்றும் அமைச்சர் கூறியுள்ளார்.
சரக்கு போக்குவரத்தின் மூலம் இந்தியாவுக்கும் இலங்கைக்கும் இடையிலான வர்த்தக நடவடிக்கைகளை விரிவுபடுத்துவதற்கான வாய்ப்புகளும் ஏற்படும்.
காங்கேசன்துறை துறைமுக அபிவிருத்திக்காக வழங்கப்படும் சலுகைக் கடன் தொகையை அதிகரிக்குமாறு கோரிக்கை விடுத்த அமைச்சர், நிர்மாணத்துறையில் பொருட்களின் விலையில் ஏற்பட்டுள்ள ஏற்ற இறக்கமே இதற்குக் காரணம் எனவும் சுட்டிக்காட்டினார்.
இங்கு, தனுஷ்கோடி-ராமேஸ்வரம் இடையே பயணிகள் படகு சேவையை தொடங்குவது பொருத்தமானது என இந்திய பெருங்கடல் பகுதி செயலாளர் தெரிவித்தார். இந்த பிரேரணைக்கு தாம் உடன்படுவதாகவும், இலங்கை புகையிரத சேவையையும் பயணிகள் படகு சேவைகளுடன் இணைக்க முடியும் எனவும் அமைச்சர் வலியுறுத்தினார்.
பலாலி விமான நிலையத்தில் சர்வதேச விமான சேவைகள் ஆரம்பிக்கப்படுவதன் மூலம் சென்னைக்கும் யாழ்ப்பாணத்திற்கும் இடையில் அதிகளவான விமானங்களை இயக்க முடியும் என மகிழ்ச்சி தெரிவித்த அமைச்சர், மத்தள விமான நிலையத்துக்கும் இந்திய விமான சேவைகளை இயக்குமாறு கேட்டுக்கொண்டார்.
இரு நாடுகளுக்கு இடையேயான இந்த கடற்படை மற்றும் விமான சேவைகளை விரிவுபடுத்துவது மிகவும் முக்கியமானது என்றும், அதற்கு இந்திய அரசு முழு ஆதரவை வழங்கும் என்றும் அகர்வால் தெரிவித்துள்ளார்.
N.S
