அஹுங்கல்லை பொலிஸ் பிரிவுக்குட்பட்ட கல்வெஹெர பகுதியில் உள்ள வீடொன்றில் இருந்த நபரை இலக்காகக் கொண்டு இன்று (04) அதிகாலை துப்பாக்கிச் சூடு நடத்தப்பட்டுள்ளது.
வீட்டின் ஜன்னல் வழியாக கைத்துப்பாக்கியை நீட்டி இந்த துப்பாக்கிச் சூடு நடத்தப்பட்டுள்ளதாக தெரிவிக்கப்படுகிறது.
துப்பாக்கிச் சூட்டில் காயமடைந்த நபர் சிகிச்சைக்காக பலப்பிட்டிய வைத்தியசாலையில் அனுமதிக்கப்பட்டுள்ளார்.
அஹுங்கல்லை, கல்வெஹெர பகுதியைச் சேர்ந்த 74 வயதுடைய ஒருவரே இவ்வாறு காயமடைந்துள்ளார்.
துப்பாக்கிச் சூடு நடத்தப்பட்டதற்கான காரணம் இதுவரை தெரியவராத நிலையில், அஹுங்கல்லை பொலிஸார் மேலதிக விசாரணைகளை மேற்கொண்டு வருகின்றனர்.
