மக்கள் எதிர்ப்பை எதிர்கொண்டு கடந்த 9ஆம் திகதி மஹிந்த ராஜபக்ஷ பிரதமர் பதவியை இராஜினாமா செய்ததையடுத்து, ரணில் விக்கிரமசிங்க தலைமையில் புதிய அரசாங்கம் உருவாக்கப்பட்டது.
எவ்வாறாயினும், விக்கிரமசிங்கவால் அரசாங்கத்தை ஸ்திரப்படுத்தவோ அல்லது நெருக்கடிக்கு தீர்வு காணவோ இன்னும் முடியவில்லை.
ஜனாதிபதியின் அழைப்பின் பேரில் ரணில் விக்ரமசிங்க பொதுஜன பெரமுனவின் அதிகபட்ச ஆதரவை வழங்கும் வாக்குறுதியின் பேரில் அரசாங்கத்தை அமைத்தார்.
எனினும், பொதுஜன முன்னணி ஆதரவை வழங்குவதற்குப் பதிலாக, விக்கிரமசிங்கவின் காலை இழுக்கும் நிலைக்கு மாறியுள்ளது.
ரணில் விக்கிரமசிங்க ஜனாதிபதியின் திடீர் அழைப்பின் பேரில் பிரதமராகப் பதவிப் பிரமாணம் செய்து மூன்று வாரங்களுக்குள் அவருக்கு எந்தத் திட்டமும் இல்லை.
பொருளாதார நெருக்கடியைச் சமாளிக்க வெளிநாடுகள் உதவும் என்று நம்பப்பட்டது, ஆனால் எந்த நாடும் இதுவரை உதவ உறுதியளிக்கவில்லை.
மறுபுறம், மக்களின் பிரச்சினைகளைத் தீர்ப்பதைத் தவிர, பிரதமரின் முதன்மைப் பணி அரசியலமைப்புத் திருத்தத்தின் மந்திரத்தைக் காட்டுவது.
பட்டினியால் வாடும் மக்களுக்கு அரசியலமைப்பு விளக்கங்களை வழங்குவதைத் தவிர வேறு எந்த சாதகமான நடவடிக்கையும் தொடங்கப்படவில்லை.
அவர் பிரதமரானவுடனேயே எரிபொருள், மருந்துப் பிரச்சினை உள்ளிட்ட முக்கியப் பிரச்சினைகளைத் தீர்ப்பதற்கு பல குழுக்களை நியமித்ததுடன் அகிலவிராஜ் காரியவசம், சாகல ரத்நாயக்க போன்ற பிரதமருக்கு நெருக்கமானவர்களை நியமித்தார்.
மக்களால் தெரிவு செய்யப்பட்ட அமைச்சர்களால் தீர்க்க முடியாத பிரச்சினைகளுக்கு மக்களால் நிராகரிக்கப்பட்ட நபர்கள் மூலம் தீர்வு காண முடியும் என ரணில் விக்கிரமசிங்க நம்பும் விதத்தில் இருந்து இந்த நெருக்கடிக்கு ரணில் விக்கிரமசிங்கவின் தீர்வு தெளிவாகத் தெரிகின்றது என பலரும் கூறுகின்றனர்.
இது தொடர்பில் ஜனாதிபதி, பிரதமரை கடுமையாக விமர்சித்துள்ளதுடன், தான் பாரிய தவறை இழைத்துவிட்டதாகவும் கோட்டாபய ராஜபக்ச தனது நெருங்கிய சகாக்களிடம் தெரிவித்துள்ளார்.
கோட்டாபய – ரணில் விரிசல் விரைவில் முடிவுக்கு வரும் என அரசாங்கத்தின் உள்ளக தகவல்கள் தெரிவிக்கின்றன.
2018ஆம் ஆண்டு ஆரம்பிக்கப்பட்ட மைத்திரி – மஹிந்த ஆட்சிக் கவிழ்ப்பு அரசாங்கம் 52 நாட்களை நிறைவு செய்துள்ளதாகவும், அதற்கு மேல் கோட்டாபய – ரணில் அரசாங்கத்தால் செல்ல முடியாத அளவிற்கு நெருக்கடிகள் அதிகரித்துள்ளதாகத் தெரிவிக்கப்படுகிறது.