முட்டை விலையை ரூ.35 ஆக குறைத்தால் வெதுப்பக உற்பத்திகளின் விலைகளை குறைக்க முடியும் என அகில இலங்கை பேக்கரி உரிமையாளர்கள் சங்கம் தெரிவித்துள்ளது.
இந்தியாவில் இருந்து இறக்குமதி செய்யப்படும் முட்டைகள் வருவதால், எதிர்வரும் ஓர், இரு வாரத்திற்குள் முட்டை சந்தையில் ஏற்பட்டுள்ள பிரச்சனைகள் தீர்க்கப்படும்.
உள்ளூர் சந்தையில் முட்டை விலை ஒரு வாரத்திற்குள் குறைய வேண்டும். அவ்வாறு முட்டை விலை குறைந்தால் பராட்டாவை தவிர்ந்து ஏனைய பொருட்களின் விலையை குறைக்க முடியும்.
வெதுப்பகங்கள் மற்றும் ஹோட்டல்களுக்கு இன்னும் ரூ.55 க்கு தான் முட்டை கொள்முதல் செய்யப்படுகிறது. பெரும்பாலான சில்லறை கடைகளில் முட்டை இல்லை. சந்தையில் முட்டை தட்டுப்பாடு நிலவுகிறது.
நாட்டில் எரிபொருள் விலை குறைப்பு காரணமாக மாத்திரம் வெதுப்பக தொழிலில் விலையை குறைக்க முடியாது எனவும் அகில இலங்கை பேக்கரி உரிமையாளர்கள் சங்கம் தெரிவித்துள்ளது.
N.S
