2023 ஆம் ஆண்டு புசன் சர்வதேச திரைப்பட விழாவில் சிறந்த படத்திற்கான கிம் ஜிசோக் விருதை பிரபல திரைப்பட தயாரிப்பாளர் பிரசன்ன விதானகே தனது “பரடைஸ்” திரைப்படத்திற்கு வென்றதற்காக லங்கா நியூஸ் வெப் LNW கௌரவிப்பு நிகழ்வை நடத்தியது.
இந்த நிகழ்வு நேற்று (20) கொழும்பு ஹில்டன் ஹோட்டலில் இடம்பெற்றது. முன்னாள் பாராளுமன்ற சபாநாயகரும் சமூக நீதிக்கான தேசிய இயக்கத்தின் (NMSJ) தலைவருமான தேசபந்து கரு ஜயசூரிய பிரதம அதிதியாக கலந்து கொண்டார்.
இலங்கை சினிமாவின் மூன்றாம் தலைமுறையின் முன்னோடிகளில் ஒருவரான பிரசன்ன விதானகே, முன்னாள் சபாநாயகரால் கௌரவிக்கப்பட்டதுடன், இலங்கை சினிமாவை உலக மட்டத்திற்கு கொண்டு செல்வதற்கு அவர் மேற்கொண்ட அயராத முயற்சிகளுக்காக பாராட்டப்பட்டார்.
ஜனநாயகத்தை நிலைநிறுத்துவதற்கும், இலங்கை ஜனநாயக சோசலிச குடியரசில் தேசத்திற்கு சிறந்த சேவையை ஆற்றுவதற்கும் முன்னாள் பாராளுமன்ற சபாநாயகராக கரு ஜயசூரிய அவர் ஆற்றிய அர்ப்பணிப்பு மற்றும் பங்களிப்புக்காகவும் பாராட்டப்பட்டார்.
இலங்கை மத்திய வங்கியின் (CBSL) முன்னாள் ஆளுனர் மற்றும் இலங்கை அரசாங்கத்தின் முன்னாள் நிதி இராஜாங்க அமைச்சர் அஜித் நிவார்ட் கப்ரால், முன்னாள் சுகாதார அமைச்சர், பாராளுமன்ற ராஜித சேனாரத்ன ஆகியோர் இந்நிகழ்வில் கலந்துகொண்ட ஏனைய முக்கியஸ்தர்கள்.
இலங்கையின் காணி பதிவு ஆணைக்குழுவின் (LRC) சட்டத்தரணி பண்டுக கீர்த்திநந்த, பீப்பிள்ஸ் லீசிங் தலைவர் பிரதீப் அமிர்தநாயகம், LNW ஊடக வலையமைப்பின் முகாமைத்துவ ஆசிரியர் சந்திம விதானாராச்சி மற்றும் LNW ஊடக வலையமைப்பின் ஆசிரியர் பணியாளர்கள் கலந்து கொண்டனர்.
