அரசாங்கத்தின் புதிய சமூக நலத்திட்டமான ‘அஸ்வெசும’ திட்டத்தின் கீழ் உதவி பெற தகுதியான நபர்களை தேர்ந்தெடுப்பதில் ஏற்பட்டுள்ள கடுமையான முரண்பாடுகள் குறித்து ஆளும் கட்சி மற்றும் எதிர்க்கட்சி எம்.பி.க்கள் அதிருப்தி தெரிவித்தனர்.
முதலில் பிரச்சினையை எழுப்பிய ஸ்ரீலங்கா பொதுஜன பெரமுனவின் பாராளுமன்ற உறுப்பினர் ஜகத் குமார, ஜப்பான் போன்ற நாடுகளில் பணிபுரியும் சில செல்வந்தர்களும் இத்திட்டத்தின் கீழ் உதவி பெற தகுதியான நபர்களாக தெரிவு செய்யப்பட்டுள்ளனர்.
“உண்மையில் உதவி பெற தகுதியுடையவர்களிடம் இருந்து பல புகார்களைப் பெற்றுள்ளோம். வெளிநாட்டில் இருக்கும் ஜனாதிபதி ரணில் விக்கிரமசிங்கவுடன் பேச்சுவார்த்தை நடத்த தயாராக உள்ளோம். இருப்பினும், பிரதமர் தலையிட்டு, இப்பிரச்னைக்கு தற்காலிக தீர்வு காண வேண்டும் என விரும்புகிறோம்,” என்றார்.
வீட்டு வருமானம் மற்றும் செலவுகள் தொடர்பில் முறையான கணக்கெடுப்பை மேற்கொள்வது நல்லது என எதிர்க்கட்சித் தலைவர் சஜித் பிரேமதாச தெரிவித்துள்ளார்.
“முந்தைய சந்தர்ப்பங்களில் வீட்டு வருமானம் மற்றும் செலவுக் கணக்கெடுப்பை நான் கோரியுள்ளேன், மேலும் உதவி பெற உண்மையான தகுதியுள்ள நபர்கள் தேர்ந்தெடுக்கப்பட வேண்டும் என்பதற்காக மீண்டும் ஒருமுறை கோரிக்கை விடுக்கிறேன்.”
லேர்ன் ஏசியா நடத்திய ஆய்வில், இலங்கையில் வறுமையில் வாடும் மொத்த சனத்தொகை 04 மில்லியனாக இருந்த நிலையில் இந்த ஆண்டு 07 மில்லியனாக அதிகரித்துள்ளது” என்று அவர் கூறினார்.
அஸ்வெசுமவை தற்காலிகமாக இடைநிறுத்தி சமுர்த்தியின் கீழ் தற்காலிக உதவிகளை வழங்குமாறும் பாராளுமன்ற உறுப்பினர் ரோஹித அபேகுணவர்தன முன்மொழிந்தார்.
இத்திட்டத்தின் கீழ் மன்னாரில் உள்ள மக்களுக்கு உதவிகள் கிடைக்காமல் வீதியில் இறங்கியுள்ளதாக தமிழ்த் தேசியக் கூட்டமைப்பின் பாராளுமன்ற உறுப்பினர் செல்வம் அடைக்கலநாதன் தெரிவித்துள்ளார்.
இதற்குப் பதிலளித்த பிரதமர் தினேஷ் குணவர்தன, சில அதிகாரிகளின் ஒத்துழையாமை முரண்பாடுகளுக்கு வழிவகுத்துள்ளது.
“நோய்வாய்ப்பட்ட மற்றும் மாற்றுத்திறனாளிகளை நலன்புரி திட்டத்தில் இருந்து நாம் எந்த வகையிலும் விட்டுவிட முடியாது,” என்றும் அவர் கூறினார்.
அஸ்வெசும தொடர்பாக யாரேனும் மேல்முறையீடு செய்ய இன்னும் கால அவகாசம் உள்ளது என்றார்.
