இரத்தினபுரியை கடந்த பெருவெள்ளம் தாக்கிய நேரத்தில், இரத்தினபுரி முதுவ பிரதேசத்தில் வசிக்கும் குடும்பத்தைச் சேர்ந்த மனைவி, கணவன், 14 மற்றும் 12 வயதுடைய இரண்டு மகன்கள் மற்றும் நான்கு வயதுடைய மகள், அருகில் வசிக்கும் இரத்தினக்கல் வர்த்தகர் வீட்டில் தங்கவைக்கப்பட்னர். பத்பெரியா என்ற வர்த்தகர் இரண்டு நாட்கள் அவரது வீட்டில் தங்க வைத்து உணவு வழங்கினார்.
வெள்ளம் வடிந்த பிறகு, இந்த குழந்தைகளின் குடும்பம் இரத்தினக்கல் வியாபார உரிமையாளரின் வீட்டை விட்டு வெளியேறியது, வீட்டை சுத்தம் செய்யத் திரும்பி வருவதாகவும் அவர் வழங்கிய கவனிப்புக்கு நன்றியும் கூறியுள்ளனர். தாம் ஆதரவற்ற நிலையில் இருந்த போது செய்த உதவியை மறக்கவில்லை எனவும் இடம்பெயர்ந்த குடியிருப்பாளரின் தந்தை தெரிவித்துள்ளார்.
வாக்குறுதியளித்தபடி, வெள்ளம் வடிந்த பிறகு, இரத்தினக்கல் உரிமையாளர் வீட்டின் முற்றத்தை சுத்தம் செய்ய அவர்கள் வந்தனர். கணவன் மனைவி மற்றும் பன்னிரெண்டு வயது சிறுவனே இவ்வாறு வந்துள்ளதாக விசாரணைகளில் தெரியவந்துள்ளது.
இதன்போது உரிமையாளர் வீட்டில் இல்லை எனவும், அவரது மனைவி மாத்திரம் அங்கு இருந்ததாகவும், உரிமையாளர் இல்லாத போது சந்தேக நபர் சந்தர்ப்பம் தேடி வந்துள்ளதாகவும் பொலிஸார் தெரிவித்தனர்.
இடம்பெயர்ந்த குடும்பத்தின் தந்தை முற்றத்தை சுத்தம் செய்து கொண்டிருந்த போது அவரது மனைவியும் பன்னிரெண்டு வயது மகனும் வீட்டிற்குள் நுழைந்து புத்தர் சிலைக்கு அருகில் இரண்டு போத்தல்களிலும் சிறிய கோப்பையிலும் வைக்கப்பட்டிருந்த விலைமதிப்புள்ள இரத்தினக் கற்களை திருடிச் சென்றது வீட்டின் பாதுகாப்பு கமெராவில் பதிவாகியுள்ளது.
சில இரத்தினக் கற்கள் காணாமல் போனதை அறிந்த மாணிக்க வியாபாரி, வீட்டில் பொருத்தப்பட்டிருந்த பாதுகாப்பு கேமராக்களை சோதனையிட்டபோது, வெள்ளத்தின் போது அவர்களுடன் அனுதாபப்பட்டு தஞ்சமடைந்த பக்கத்து குடும்பத்தினரால் இரத்தினங்கள் திருடப்படுவதைக் கண்டார்.
இது தொடர்பில் இரத்தினபுரி பொலிஸாரின் குற்றப்புலனாய்வுப் பிரிவில் முறைப்பாடு செய்ததையடுத்து, சந்தேகநபர்களான தம்பதியினரும் அவர்களது மகனும் இரத்தினபுரி பொலிஸாரால் கைது செய்யப்பட்டுள்ளனர்.
சந்தேகநபர்களிடம் மேற்கொள்ளப்பட்ட விசாரணைகளின் போது, மாணிக்கக் கற்கள் திருடப்பட்டதை அவர்கள் ஒப்புக்கொண்டதுடன், காணாமல் போன இரத்தினக் கற்கள் சிலவற்றை பொலிஸார் கண்டுபிடித்துள்ளனர். மேலும் சில இரத்தினங்கள் குறித்து கேட்டபோது, அந்த ரத்தினங்களை மட்டுமே திருடியதாக சந்தேக நபர்கள் தெரிவித்தனர்.
பிரதான சந்தேகநபர் இரத்தினபுரி பிரதேசத்தில் இரண்டு வர்த்தகர்களுக்கு இரண்டு மாணிக்க கற்களை விற்பனை செய்திருந்த நிலையில், குறித்த மாணிக்கக்கல் வியாபாரிகள் தாமாக முன்வந்து பொலிஸாரிடம் ஒப்படைத்துள்ளனர். இரத்தினபுரி பொலிஸ் குற்றப் புலனாய்வுப் பிரிவினரால் மேலதிக விசாரணைகள் மேற்கொள்ளப்பட்டு வருகிறது.
