ஜேர்மனியில் உள்ள இலங்கைத் தமிழர்கள் சுமார் 50க்கும் மேற்பட்ட நகரங்களில் மனிதச் சங்கிலி போராட்டத்தில் ஈடுபட்டனர்.
தஞ்சம் கோரியுள்ள தமிழ் அகதிகளை நாடு கடத்துவதை நிறுத்துமாறு ஜேர்மன் அதிகாரிகளை வலியுறுத்தியும் இனப்படுகொலைக்கு நியாயம் கோரியும் இந்த போராட்டங்கள் முன்னெடுக்கப்பட்டன.
‘தமிழீழத்திற்கான மனித உரிமைகள்’ என்று எழுதப்பட்ட பதாதைகளை அவர்கள் ஏந்தி இருந்தனர்.
கடந்த ஆண்டு, ஜேர்மனி 50 க்கும் மேற்பட்ட தமிழ் அகதிகளை இலங்கைக்கு நாடுகடத்தியது.
ஜேர்மன் குடிவரவு அலுவலகங்களில் வழக்கமான நியமனங்களின் போது, அகதிகள் அடிக்கடி கைது செய்யப்பட்டு நாடு கடத்தப்படுவதற்கு முன்னர் காவலில் வைக்கப்பட்டுவர் என்று தெரிவிக்கப்படுகிறது.
“எங்கள் நினைவுச் சின்னங்கள் அழிக்கப்படுகின்றன, எங்கள் இரங்கல் குற்றமாக்கப்பட்டுள்ளன” மற்றும் ‘திட்டமிடப்பட்ட இனப்படுகொலை’, ‘நிலங்கள் அபகரிக்கப்படுகின்றன’, ‘கலாச்சாரங்கள் அழிக்கப்படுகின்றன’ போன்ற பதாதைகளை ஆர்ப்பாட்டக்காரர்கள் ஏந்தி இருந்தனர்.
மார்ச் 2021 இல், ஜேர்மன் அதிகாரிகள் பாரிய சோதனைகளை நடத்தி நாடு முழுவதும் 100 தமிழ் அகதிகளை தடுத்து வைத்தனர்.
வீடுகளை சோதனையிட்டதுடன், புகலிடக் கோரிக்கையாளர்களை தங்களுடைய அனுமதியைப் புதுப்பிக்குமாறு அதிகாரிகள் அழைத்ததாகக் கூறப்படுகிறது, ஆனால் கட்டிடத்திற்கு வந்தவுடன், அவர்கள் காவல்துறை அதிகாரிகளால் தடுத்து வைக்கப்பட்டனர்.
அவர்களின் தொலைபேசிகளைப் பறிமுதல் செய்தனர் மற்றும் அவர்களது உறவினர்கள் மற்றும் அன்புக்குரியவர்களுடன் தொடர்புகொள்வதைத் தடுத்தனர்.
கடந்த ஆண்டு ஐ.நா மனித உரிமைகள் பேரவையில் (UNHRC) இலங்கை தொடர்பான பிரேரணையை உருவாக்குவதிலும் இணை அனுசரணை வழங்குவதிலும் முக்கிய பங்கு வகித்த போதிலும் ஜேர்மனி நாடு கடத்தல்களை மேற்கொண்டதாக குற்றம் சுமத்தப்பட்டுள்ளது.
