உயிர்த்த ஞாயிறு தினத் தாக்குதல்கள் தொடர்பான வழக்கில் தீர்ப்பு வழங்கப்பட்டுள்ளது.
சஹ்ரான் ஹாஷிம் உட்பட எட்டு தற்கொலைத்தாக்குதல் நடத்தியவர்களுக்கு உதவிய மற்றும் உடந்தையாக இருந்த குற்றச்சாட்டில் நௌபர் மௌலவி உள்ளிட்ட 24 பிரதிவாதிகள் மீது 23,270 குற்றச்சாட்டுகள் பதிவு செய்யப்பட்டுள்ளதாக நீதிமன்றத்தில் தெரிவிக்கப்பட்டன.
இந்த 24 பேரில் 15 பேருக்கு எதிராக குற்றங்கள் நிரூபிக்கப்பட்டுள்ளன. 9 பேர் முற்றாக விடுதலை செய்யப்பட்டுள்ளனர்.
மேல் நீதிமன்ற நீதிபதி (தலைவர்) நவரத்ன மாரசிங்க, சுஜீவ நிஸ்ஸங்க மற்றும் இராமநாதன் கண்ணன் ஆகிய மூன்று நீதிபதிகள் கொண்ட கொழும்பு மேல் நீதிமன்றத்தின் சிறப்பு நீதிபதிகளின் முன்னிலையில் தீர்ப்பு தற்போது அறிவிக்கப்பட்டு வருகிறது.
இந்த தீர்ப்பின் தமிழ் மொழிபெயர்ப்பும் உயர் நீதிமன்ற மொழிபெயர்ப்பாளரால் நீதிமன்றத்தில் வாசிக்கப்பட்டு வருகின்றது.