தமிழ்த் தேசியக் கூட்டமைப்பின் தலைவரும் இலங்கைத் தமிழரசுக் கட்சியின் பெருந்தலைவருமான இரா. சம்பந்தனின் புகழுடலுக்கு ஜனாதிபதி ரணில் விக்கிரமசிங்க அஞ்சலி செலுத்தினார்.
அன்னாரின் புகழுடல் அஞ்சலிக்கு வைக்கப்பட்டிருக்கும் கொழும்பு – பொரளை ஏ.எவ்.றேமண்ட்ஸ் மலர்ச்சாலைக்கு இன்று செவ்வாய்க்கிழமை பிற்பகல் சென்ற ஜனாதிபதி ரணில் விக்கிரமசிங்க மற்றும் ஜனாதிபதியின் துணைவியார் பேராசிரியர் மைத்திரி விக்கிரமசிங்க ஆகியோர் புகழுடலுக்கு அஞ்சலி செலுத்தியதோடு, அன்னாரின் குடும்பத்தினருக்கு ஆறுதலும் தெரிவித்தனர்.
