யாழ்ப்பாணம் கொழும்புத்துறை உதயபுரம் பகுதியில் இன்று (14) பிற்பகல் பாடசாலை மாணவர்களை ஏற்றிச் சென்ற முச்சக்கரவண்டி கவிழ்ந்து விபத்துக்குள்ளானதில் ஒன்பது மாணவர்களும் வண்டியின் சாரதியும் யாழ்.போதனா வைத்தியசாலையில் அனுமதிக்கப்பட்டுள்ளனர்.
பாடசாலை முடித்து வீடு திரும்பிக் கொண்டிருந்த மாணவர்களை ஏற்றிச் சென்ற முச்சக்கர வண்டி வளைவு ஒன்றில் கவிழ்ந்து சுவரில் மோதி விபத்துக்குள்ளானதாக யாழ்.பொலிசார் தெரிவிக்கின்றனர்.
காலை இரண்டு முச்சக்கரவண்டிகளில் மாணவர்களை ஏற்றிச் சென்றதாகவும் இயந்திரக் கோளாறு காரணமாக முச்சக்கரவண்டியில் இருந்த மாணவர்கள் ஒரு முச்சக்கர வண்டியில் ஏற்றிச் செல்லப்பட்டதாகவும் யாழ். பொஸார் தெரிவித்தனர்.
காயமடைந்தவர்கள் யாழ்.கொழும்புத்துறை இந்துக் கல்லூரி மற்றும் கொழும்புத்துறை துரைராசா மகா வித்தியாலயத்தின் ஆரம்ப தர மாணவர்கள் ஆவர்.
