இலங்கை பொதுஜன பெரமுனவின் தேசிய அமைப்பாளரும் நாடாளுமன்ற உறுப்பினருமான நாமல் ராஜபக்ஷவை எதிர்வரும் 18 ஆம் திகதி நீதிமன்றத்தில் ஆஜராகுமாறு கொழும்பு உயர் நீதிமன்றம் நோட்டீஸ் அனுப்பியுள்ளது.
இலங்கையில் ரகரை ஊக்குவிப்பதற்காக என்று கூறி, இந்திய நிறுவனமான கிரிஷிடமிருந்து ரூ. 70 மில்லியன் பெறப்பட்டு, குற்றவியல் முறைகேடுக்குப் பயன்படுத்தப்பட்டதாகக் கூறி தாக்கல் செய்யப்பட்ட வழக்கு தொடர்பாகவே இந்த அழைப்பு விடுக்கப்பட்டுள்ளது.
சட்டமா அதிபரால் தாக்கல் செய்யப்பட்ட குற்றப்பத்திரிகைகளை பரிசீலித்த பின்னர், கொழும்பு உயர் நீதிமன்ற நீதிபதி மஞ்சுள திலகரத்ன பின்வரும் அறிவிப்புகளை வெளியிட உத்தரவிட்டுள்ளார்.
இது தொடர்பான குற்றச்சாட்டை தற்போதைய அமைச்சர் வசந்த சமரசிங்க, முந்தைய நல்லாட்சி அரசாங்கத்தின் போது முன்வைத்தார். அப்போது, இந்த வழக்கில் நாமல் ராஜபக்ஷ சந்தேக நபராகக் கைது செய்யப்பட்டு, கோட்டை நீதவான் நீதிமன்றத்தில் ஆஜர்படுத்தப்பட்டு பிணையில் விடுவிக்கப்பட்டார்.
