புதிய ஜனநாயக முன்னணியின் நாடாளுமன்ற உறுப்பினரும் ஜனாதிபதி சட்டத்தரணியுமான ஃபைசர் முஸ்தபாவை நாடாளுமன்ற சபாநாயகராக நியமிப்பதற்கான ஏற்பாடுகள் இடம்பெற்று வருவதாகத் தகவல்கள் தெரிவிக்கின்றன.
தற்போதைய சபாநாயகர் ஜகத் விக்ரமரத்னவுக்கு எதிராக எதிர்க்கட்சியினர் நம்பிக்கையில்லாப் பிரேரணையை முன்வைத்துள்ளதுடன், அவருக்கு எதிராக இலஞ்சம் அல்லது ஊழல் குற்றச்சாட்டுகளை விசாரிக்கும் ஆணைக்குழுவினாலும் விசாரணை முன்னெடுக்கப்பட்டு வருகின்றது. இந்நிலையில், அவர் பதவி விலக வேண்டிய சூழ்நிலை உருவாகியுள்ளதாகத் தெரிவிக்கப்படுகிறது.
இதனையடுத்து, வெற்றிடமாகவுள்ள சபாநாயகர் பதவிக்கு யாரை நியமிப்பது என்பது தொடர்பில் உயர்மட்டக் கலந்துரையாடல் நேற்று (20) இடம்பெற்றுள்ளதாகக் கூறப்படுகிறது.
இதன்போது, ஆளும் தரப்பு மற்றும் எதிர்க்கட்சி ஆகிய இரு தரப்பினரதும் இணக்கப்பாட்டுடன் ஃபைசர் முஸ்தபாவை சபாநாயகராக நியமிப்பதற்கான யோசனை முன்வைக்கப்பட்டுள்ளதாகத் தகவல் வட்டாரங்கள் தெரிவிக்கின்றன.
நாடாளுமன்ற நடவடிக்கைகளில் பல வருட அனுபவத்தைக் கொண்ட ஃபைசர் முஸ்தபா, ஜனாதிபதி சட்டத்தரணியாகவும் விளங்குவதுடன், மூன்று மொழிகளையும் சிறப்பாகக் கையாளும் ஆற்றலைக் கொண்டவராகவும் உள்ளார்.
அத்துடன், சவூதி அரேபியாவில் மரண தண்டனை விதிக்கப்பட்டிருந்த சிவராசா அனோஜனைக் காப்பாற்றுவதற்காகத் தன்னார்வத்துடன் முன்வந்து அவர் ஆற்றிய பங்களிப்பு, இராஜதந்திர நடவடிக்கைகள் தொடர்பான அவரது திறனையும் வெளிப்படுத்தியதாகக் குறிப்பிடப்படுகிறது.