கடந்த ஆண்டுடன் ஒப்பிடும்போது ஒவ்வொரு ஆண்டும் பாலியல் உறவு தொடர்பான STD பாதிப்புகள் அதிகரித்து வருவதாக தேசிய STD மற்றும் எய்ட்ஸ் கட்டுப்பாட்டுத் திட்டம் சுட்டிக்காட்டுகிறது.
2022 இல் கண்டறியப்பட்ட நோயாளர்களின் எண்ணிக்கை 604 ஆக இருந்தது, 2023 இல் எண்ணிக்கை 690 ஆக அதிகரித்துள்ளது. இது பதினைந்து வீத அதிகரிப்பு என எஸ்.டி.டி மற்றும் எயிட்ஸ் கட்டுப்பாட்டுத் திட்டத்தின் சமூக வைத்திய நிபுணர் ஜனக வேரகொட தெரிவித்தார்.
இந்த நோய்கள் குறிப்பாக இளைஞர்களிடையே அதிகம் காணப்படுவதாகவும், பதிவாகும் நோயாளிகளில் பெரும்பாலானவர்கள் 29 வயதுக்குட்பட்டவர்கள் என்றும் மருத்துவர் கூறினார்.
பாதுகாப்பற்ற உடலுறவின் போது கருத்தடைகளைப் பயன்படுத்துவதில் அவர்கள் தயக்கம் காட்டுவது இவ்வாறான நோயாளர்களின் அதிகரிப்புக்கு வழிவகுத்துள்ளதாகவும் அவர் சுட்டிக்காட்டியுள்ளார்.
சிலர் போதைப்பொருளைப் பயன்படுத்தி குழுக்களாகப் பாலுறவில் ஈடுபடுவதில் அதிக ஆர்வம் காட்டுவதாகவும், இதுபோன்ற சந்தர்ப்பங்களில் கருத்தடை சாதனங்கள் பயன்படுத்தப்படாததால், பால்வினை நோய்கள் அதிகமாகப் பரவக்கூடும் என்றும் நிபுணர் கூறினார்.