– சாமர சம்பத் தசநாயக்க
யாரேனும் தவறு செய்திருந்தால் அவர்கள் சிறைக்குச் செல்ல வேண்டும் என்றும், ஒருவரை சிறையில் அடைப்பதற்காக அரசியல் கட்சிகள் ஒன்றிணைய வேண்டிய அவசியம் இல்லை என்றும் நாடாளுமன்ற உறுப்பினர் சாமர சம்பத் தசநாயக்க தெரிவித்துள்ளார்.
அவர் மேலும் கூறியதாவது:
“சிறையில் அடைக்கிறார்கள் என்பதற்காக கட்சிகள் ஒன்றிணைய வேண்டிய அவசியம் இல்லை. தவறு செய்திருந்தால் சிறைக்குச் செல்ல வேண்டும். தவறு செய்தவர்களுக்கு தண்டனை வழங்க வேண்டும். அதை நாங்கள் ஏற்றுக்கொள்கிறோம்.
என்மீது வழக்குகள் இருந்தால், நான் ஏதாவது தவறு செய்திருந்தால், அது நீதிமன்றத்தில் நிரூபிக்கப்பட்டிருந்தால் அதில் எனக்கு எந்தப் பிரச்சினையும் இல்லை.
ஆனால் இவர்களிடம் இருப்பது நீதிமன்றம், இலஞ்சம் தொடர்பான விசாரணைப் பிரிவு மற்றும் CID மட்டுமே.”
என நாடாளுமன்ற உறுப்பினர் சாமர சம்பத் தசநாயக்க தெரிவித்துள்ளார்.
